Les bíbliuna

Sálmarnir

  • 1Halleluja! Lovið HARRANUM av Himli, lovið Honum á hæddini!
  • 2Lovið Honum, allir einglar Hansara, lovið Honum, allir herskarar Hansara!
  • 3Lovið Honum, sól og máni, lovið Honum, allar lýsandi stjørnur!
  • 4Lovið Honum, himlar himlanna, og tit vøtn, ið eru yvir himlunum!
  • 5– Tey skulu lova navni HARRANS, tí Hann beyð, og tey vórðu skapt;
  • 6og Hann setti tey á stað teirra fyri allar tíðir, í allar ævir; Hann gav lóg, sum einki av teimum brýtur.
  • 7Lovið HARRANUM av jørðini, tit havdýr og øll djúp,
  • 8eldur og heglingur, kavi og roykur, stormur, sum setur orð Hansara í verk,
  • 9tit fjøll og allir heyggjar, frukttrø og øll sedristrø,
  • 10tit villdýr og alt fæið, skriðdýr og fuglar við veingjum,
  • 11tit kongar á jørðini og øll fólkasløg, høvdingar og allir dómarar jarðar;
  • 12ungir dreingir og ungar gentur, gomul við ungum!
  • 13– Tey skulu lova navni HARRANS; tí einki navn er høgt uttan Hansara, heiður Hansara er yvir jørð og himli.
  • 14Og Hann hevur lyft fólki Sínum upp horn, øllum hinum heilagu Sínum til lovsong, børnum Ísraels, fólkinum, ið stendur Honum nær. – Halleluja!
Bíbliuappin

Við bíbliu appini, er bíblian ikki longri burtur enn í lummanum. Við at rita inn, kanst tú goyma tíni yndis vers, og síggja tey aftur bæði á app og á teldu.

Heinta nú
bíbliuappin
Ljóðbíblian

Ert tú sjónveikur, ella ynskir at lurta eftir Guds orði, tá tú ert á ferð, er Ljóðbíblian tann rætta tín.

Les meira
ljóðbíblian