Ljóð-Bíblian: NT á MP3
17. november 2006 kom Nýggja Testamentið út í MP3 sniði á fløgu.
Í 1992 kom Nýggja Testamentið út á ljóðbondum. Upplesarar vóru: Árni av Reyni og Heri Jacobsen. Nú er Bíbliugrunnurin fegin um at bjóða somu útgávu í MP3 sniði. Áðrenn upptøkurnar eru gjørdar til MP3, eru tær reinsaðar, so ljóði er klárt og vælljóðandi.
NT í MP3 er sera hent til teirra, ið hava veika sjón ella sum eitt nú eru á ferð og ynskja at lurta eftir orðinum ella tann, ið ynskir at kenna Nýggja Testamenti, men ikki hevur umstøður ella orku til at lesa. Við tað, at útgávan er í MP3, er lætt at lurta eftir útgávuni á MP3-spælarum, flestu DVD-spælarum, iPod, nógvum fartelefonum, farteldum, umframt at fløguspælarnir í nýggjum bilum oftani kunnu spæla MP3.
Hon fæst til keyps fyri umleið 199 kr. (vegleiðandi prísur).
Fylgjandi handlar selja fløguna:
- H. N. Jacobsens Bókhandil, Tórshavn -www.hnj.fo
- Hjalmar Jacobsens Bókhandil, Tórshavn
- ALFA Bókhandil, Klaksvík
- Logos Bókhandil, Tórshavn
- Vitin, Runavík
- EVR, Tórshavn -www.evr.fo
