Les bíbliuna
Sálmarnir
- 1Songur. Á hátíðarferðunum. Táið HARRIN læt fangar Zions sleppa heimaftur, vóru vit sum tey, ið droyma.
- 2Tá fyltist muður okkara við látri, og tunga okkara við gleðirópum; tá varð sagt millum heidningarnar: „Stórverk hevur HARRIN gjørt móti teimum!“
- 3Ja, stórverk hevur HARRIN gjørt móti okkum, og vit vórðu glað!
- 4HARRI, lat fangar okkara koma heimaftur, eins og løkir í Suðurlandinum!
- 5Tey, ið sáa við gráti, skulu heysta við gleðirópum.
- 6Tey ganga grátandi og sáa sáð sítt; tey koma aftur við gleðirópum, berandi bundi síni.
